Биздин баалуулуктар:

• Чечкиндүүлүк.
• Натыйжалуулук.
• Кардарларга көңүл коюу.
• Чынчылдык.

Биз эмнени сунуштайбыз:​

• КРнын Эмгек кодексине ылайык ишке орноштуруу.
• Ири, туруктуу жана тез өнүгүп жаткан компанияда иштөө мүмкүнчүлүгү.
• Татыктуу эмгек акы.
• Окутуп-үйрөтүү жана карьералык өсүш.

Кызматтык милдеттери:​

• Банктын филиалында кредиттик эмес операциялар боюнча кызматкерлердин эффективдүү иштөөсүн камсыз кылуу.
• Филиалдын операциялык бөлүмүндөгү кызматкерлерге техникалык колдоо көрсөтүү жана алардын ишин координациялоо.
• Филиалдын операциялык ишмердүүлүгүнөн түшкөн кирешени көбөйтүү максатында кызматкерлердин ишин уюштуруу жана көзөмөлдөө.
• Банктын түзүмдүк бөлүмдөрү менен өз ара аракеттенүүнү камсыз кылуу жана байланыш түзүү.
• Филиалдын операциялык процесстери жана учурдагы абалы боюнча талдоо жүргүзүү жана зарыл болгон учурда филиал директоруна (ДФ) жана Башкы кеңсенин тиешелүү бөлүмдөрүнө иштин натыйжалуулугун жогорулатуу боюнча сунуштарды берүү.
• Банктын артыкчылыктуу максаттарына ылайык филиалдын операциялык ишмердүүлүгүн кеңейтүү боюнча пландарды түзүүгө катышуу.
• Филиалдын пландарын ишке ашыруу, кардарлар базасын кеңейтүү, депозиттик базаны жана банктын каржылык көрсөткүчтөрүн өстүрүү үчүн зарыл болгон бардык иш-чараларды жүргүзүү.
• Кардарлардын пикирлерин жана муктаждыктарын аныктоо максатында мониторинг жана сурамжылоо жүргүзүү, кызмат көрсөтүү сапатын жакшыртуу үчүн жаңы идеяларды ишке ашыруу.
• Филиалдын атаандаштык чөйрөсүн изилдөө, маалымат чогултуу жана талдоо, маркетинг иш-чараларын пландаштыруу жана банктын продуктыларын рынокко алып чыгуу жана илгерилетүүнү уюштуруу.
• АБСте (автоматташтырылган банк системасында) жеке жана юридикалык жактардын, жеке ишкерлердин улуттук жана чет өлкө валюталарындагы мөөнөттүү жана талап боюнча депозиттерин ачуу жана жабуу боюнча операцияларды көзөмөлдөө жана верификациялоо.
• Кассалык түйүндөрдүн ишин көзөмөлдөө жана филиалдардын кассаларында күтүлбөгөн текшерүүлөрдү жүргүзүү.
  

Талапкерден эмнени күтөбүз:

• Жогорку кесиптик билим (экономика, юриспруденция, финансы багыттарында).
• Операциялык ишмердүүлүк тармагында кеминде 5 жыл иш тажрыйбасы. Башкаруучу кызматтарда 3 жылдык тажрыйба артыкчылык болуп эсептелет.
• Банктын ишин жөнгө салган Кыргыз Республикасынын мыйзамдарын жана НБКРдин ченемдик укуктук актыларын, ошондой эле терроризмди каржылоого жана кылмыштуу кирешелерди адалдоого каршы күрөш боюнча ченемдик актыларды (ПФТД/ЛПД) билүү.
• Компьютерде иштөөнү билүү (Word, Excel, Outlook Express, PowerPoint жана башка программалар).
• Кыргыз жана орус тилдеринде эркин сүйлөө жана жазуу жөндөмү. Англис тилин билүү артыкчылык болуп эсептелет.
• Максаттарды так коюп, артыкчылыктарды аныктоону билүү.
• Натыйжага багытталуу жана стандарттуу эмес чечимдерди табууга жөндөмдүүлүк.
• Аналитикалык жана критикалык ой жүгүртүү, демилгелүүлүк.
• Кошумча убакытта иштөөгө жана иш сапарларга чыгууга даяр болуу.