kompanion-logo
    • Жеке кардаарлар учун
  • Туруктуу өнүгүү

Туруктуу өнүгүү

​Компаньон Банкы бул финансылык кызматтарды гана көрсөтүү эмес.

Биз айлана-чөйрөнү коргоону, коомдук жоопкерчиликти жана айкындыкты бириктирип, кардарларыбыз, кызматкерлерибиз жана жалпысынан коом үчүн туруктуу пайдубал түзөбүз. Биз туруктуу өсүштү жана өнүгүүнү колдоо үчүн ESG (экологиялык, социалдык жана башкаруу) принциптерин бардык бизнес процесстерибизге интеграциялайбыз. ​

E

E - environmental

Экологиялык туруктуулук маселелерин камтыйт

S

S - social

Адамдарга жана коомчулукка багытталган

G

G - Governance

Ачык-айкындуулук жана жакшы башкаруу менен байланышкан

Биздин жетишкендиктер

Биз түптөлгөндөн бери социалдык жана экологиялык миссияны аткарууга, кардарларыбыздын бакубаттуулугун жогорулатууга жана Кыргызстандын экономикалык туруктуулугун бекемдөөгө умтулуп келебиз.

Биздин акционерлер социалдык инвестиция жана туруктуу өнүгүү жаатында көп жылдык тажрыйбасы бар эл аралык уюмдар.

GABV мүчөлөрү

​Биз туруктуу өнүгүүгө болгон умтулуубузду ырастоодо, Global Alliance for Banking on Values альянсынын бир бөлүгүбүз​

Кененирээк

Туруктуулукка инвестициялоо

​Биз кардарларга жана өнөктөштөргө туруктуу максаттарына жетүүгө жардам берген ылайыкташтырылган финансылык продуктыларды сунуштайбыз​

Кененирээк

Агрономдору жана ветеринарлары бар жалгыз банк

​Биздин команда кардарларга ийгиликтүү айыл чарба бизнесин өнүктүрүүгө жардам берет​

Кененирээк

Билим берүү программалары

​Жыл сайын биздин социалдык демилгелердин алкагында 4000ден ашык адам акысыз билим алышат​

Кененирээк

Банк жана Туруктуу өнүгүү максаттары (ТӨМ)

Компаньон Банкы БУУ тарабынан аныкталган глобалдык Туруктуу Өнүгүү Максаттарын (ТӨМ) колдойт. Биз өз ишмердүүлүгүбүз менен тыгыз байланышкан төрт негизги максатка умтулабыз:

Сапаттуу билим

​Биз финансылык сабаттуулук жана бизнес көндүмдөрүн өнүктүрүү боюнча билим берүү программаларын уюштуруп, жыл сайын 4000ден ашык адамды, анын ичинде ишкерлерди жана аялуу топторду камтыйт​

Изображение
Гендердик теңчилик

Аялдардын ишкердигин колдойбуз. Клиенттерибиздин 56% жана кызматкерлерибиздин 60% аялдар. Биз тең мүмкүнчүлүктөрдү камсыз кылабыз.

Изображение
Татыктуу иш жана экономикалык өсүү

Банк жаңы жумуш орундарын түзүүгө көмөктөшөт, ишкерлерди жана кичи бизнести насыялоо аркылуу колдойт, ошондой эле кызматкерлер үчүн эмгек шарттарын үзгүлтүксүз жакшыртат

Изображение
Өнөр жайлаштыруу, инновациялар жана инфраструктура

Туруктуу инфраструктурага жана агробизнеске инвестиция салып, кардарларды агенттер, агрономдор, ветеринарлар аркылуу колдоп, кызматтарды мобилдик тиркеме аркылуу санариптештиребиз.

Изображение

Биздин корпоративдик-социалдык долбоорлорубуз жергиликтүү коомдорду колдоого багытталган

Изображение

Биз кайрымдуулук жана социалдык маанилүү долбоорлорду колдойбуз

Изображение

Биз туруктуу демилгелер үчүн фонддор жана эл аралык уюмдар менен кызматташабыз

Изображение

Жаңылыктар

кулжа айы 27, 2025

БИЗ ЖАШАГАН ШААР ҮЧҮН. КОМПАНЬОН БАНКЫ

    Биз жашаган шаар үчүн. Компаньон Банкы.

    Шаар тазалыгы жөнөкөй нерселерден башталат — үйдүн жанындагы жеткиликтүү таштандылар үчүн контейнерден, таза короодон, коңшуларга жана жалпы мейкиндикке болгон урматтан. Миллиондук калаа үчүн бул өзгөчө маанилүү.

    Компаньон Банк тарабынан көтөрүлгөн демилге жана муниципалдык «Тазалык» ишканасы менен өнөктөштүктө Бишкек шаарына таштандылар үчүн биринчи контейнерлер тапшырылган корпоративдик социалдык жоопкерчилик долбоору башталды.

    Контейнерлерди мындан аркы бөлүштүрүү шаар мэриясы менен биргеликте — алардын тургундарга керек болгон жерлерине — жүргүзүлүүдө.

    Бул долбоор — биз жашаган шаарга жана жардамга муктаж адамдарга болгон урмат жөнүндө.

    «Биз үчүн каржылык колдоодон сырткары дагы жанында болуу маанилүү. Пайдалуу болуу — бул айлана-чөйрөгө кам көрүү жана күнүмдүк жашоону татыктуу кылган жөнөкөй чечимдер жөнүндө. Биз Бишкекти ар бир адам үчүн ыңгайлуу шаар катары көрөбүз», — деп белгилейт Компаньон Банктагы туруктуу өнүгүү бөлүмү.

    Иш-чара Компаньон Банктын кеңири программасынын бир бөлүгү болуп саналат. Программа экологияны, туруктуу өнүгүүнү жана борбордо жана аймактарда даректүү колдоону камтыйт.

    Биз ишенебиз: кичинекей кадамдар чоң өзгөрүүлөргө алып келет — айрыкча аларды чогуу аткарсак.

Кененирээк

кулжа айы 13, 2025

«Эко Заряд» экологиялык акциясы: Бишкектеги алдыңкы үч уюмдун катарында Компаньон Банкы

«Эко Заряд» акциясы: Бишкекте Компаньон Банкы экология боюнча алдыңкы үчтүккө кирди

2025-жылдын 15-апрелинен 5-июнуна чейин Бишкек шаарында “Твой Эко Заряд” аттуу экологиялык акция өттү. Бул демилге “Твой Заряд” компаниясынын жана мэриянын, «Тазалык» МИ, Билим берүү департаментинин жана “Бишкек санитардык полигону” МИ колдоосу менен ишке ашты.

Ар бир майда иш — чоң жоопкерчилик
Компаньон Банкынын командасы акцияга жигердүү катышып, кеңселерде колдонулган батарейкаларды чогултуу боюнча ички иницитива уюштурду. Жумушкерлер бир жарым ай бою үйүндө жыйналган батарейкаларды алып келип, кесиптештерин жана жакындарын да катышууга үндөштү.
Жыйынтыгында Компаньон Банкы Бишкек шаарындагы эң көп батарейка тапшырган үч уюмдун бири болуп калды.

Эмне үчүн бул маанилүү?
Бир эле батарейка 20 чарчы метр жерди ууландырышы мүмкүн. Ошондуктан бул акцияларга катышуу — жаратылышты коргоонун гана эмес, коомдун экологиялык маданиятын калыптандыруунун бир жолу.
Акциянын уюштуруучулары Компаньон Банкына социалдык маанидеги салымы үчүн Ардак грамотасын ыйгарышты. Бирок биздин кызматкерлер үчүн эң негизгиси — жакшы ишке кошкон чыныгы салым жана биргелешкен аракет болду.

ESG: Иш жүзүндөгү туруктуулук
“Эко Заряд” акциясы Банктын айлана-чөйрөнү коргоо багытындагы ESG демилгелеринин бир бөлүгү болуп калды.
Биз төмөнкү максаттарды көздөйбүз:
  • экологиялык издерди азайтуу;
  • жашоого туруктуу адаттарды жайылтуу;
  • мамлекеттик жана коомдук өнөктөштөр менен кызматташуу.
Туруктуу өнүгүү — бул бир жолку иш эмес, бул күнүмдүк тандоо.
Биз командабызда мындай жоопкерчиликти түшүнгөн адамдар көп болуп жатканына сыймыктанабыз.
Кененирээк

кулжа айы 13, 2025

Компаньон Банкынан балалыкка болгон жашыл салым

    Компаньон Банкынан балалыкка болгон жашыл салым

    Компаньон Банкынын Караколдогу филиалы Ысык-Көл облусунун айылдарындагы мектепке чейинки мекемелердин айланасын жашылдандыруу боюнча ири     экологиялык жана социалдык долбоорду ишке ашырды. Бул демилге балдардын ден соолугун чыңдоого, багбанчылык көндүмдөрүн өнүктүрүүгө жана жергиликтүү     коомчулуктар менен байланышты бекемдөөгө багытталган.

    Карагат жана өрүк — келечекке болгон салым

    Долбоордун алкагында Жети-Өгүз, Түп жана Ак-Суу райондорундагы бала бакчалар жалпы:

  • 400 карагат көчөтүн,

  • 384 мөмөлүү дарактын көчөтүн алышты.

    Бул өсүмдүктөр мектепке чейинки мекемелердин аймагын көрктөндүрүп эле тим болбостон, балдардын тамак-ашында витаминдердин булагына айланат — варенье,     компот жана жаңы мөмө түрүндө.

«Биз бул демилгеге катышканыбызга кубанычтабыз. Балдар бак-дарактар кантип өсүп жатканын кызыгуу менен карап, багууга жардам беришет. Биз ишенебиз — жакын арада өзүбүздүн экологиялык жемиш багыбыз болот», — деп бөлүштү Дархан айылындагы бала бакчанын өкүлү.

    Натыйжалуу өнөктөштүк

    Долбоор Компаньон Банкынын Каракол филиалы тарабынан, жергиликтүү питомниктердин жана өз алдынча башкаруу органдарынын колдоосу менен ишке     ашырылды. Филиал көчөттөрдү жеткирүү жана логистика чыгымдарын өзүнө алды. Өсүмдүктөргө кам көрүү боюнча окутуу бизнес-өнүктүрүү адистеринин     катышуусунда өткөрүлдү.

«Биз жөн гана көчөт отургузбастан, бул өсүмдүктөр кошумча киреше алып келиши мүмкүн деген билимди да бердик», — деди Компаньон Банкынын бизнес-тренери Омурбек Чыныбаев.

    ESG — теория эмес, тажрыйба

    Бул демилге Компаньон Банкынын ESG принциптерине — экологияны коргоо, социалдык жоопкерчилик жана жергиликтүү коомдордун өнүгүшүнө катышуу боюнча     фокусунун бир бөлүгү болуп саналат.

«Биз ишенебиз: балдар жана алардын чөйрөсү менен иштөө — бул ден соолугу чың жана жоопкерчиликтүү келечекке болгон салым. Бул долбоор — банк аймактардагы экологиялык жана социалдык өзгөрүүлөрдүн бир бөлүгү боло аларын көрсөтөт», — деп белгилешти Каракол филиалынын кызматкерлери.

    Маалымат үчүн:

    Компаньон Банкы КСО долбоорлорун өлкө боюнча туруктуу негизде ишке ашырып келет — спорт мектептерин колдоодон тартып, медициналык мекемелерди     санариптештирүүгө чейин. Ысык-Көлдөгү мектепке чейинки мекемелерди жашылдандыруу — аймактык туруктуу өнүгүүгө багытталган кезектеги кадам.

Кененирээк

кулжа айы 12, 2025

Дарактар тамыр жайганда — мамиле да бекемделет

Дарактар тамыр жайганда — мамиле да бекемделет

Маектешибиз — Мамет Ырысбаев, Ош облусунун, Өзгөн районундагы спорт мектебинин директору. Ал Банк Компаньондун аймактык демилгелерди колдоо долбоорунун активдүү катышуучусу.
Кантип башталган
— Мамет Дубанаевич, бул долбоор тууралуу кайдан уктуңуз жана эмне себептен катышууну чечтиңиз?
— Компаньон Банкынын кызматкеринен уктум. Ал банк пайдалуу демилгелерди колдой турганын айтты. Биздин мектепке болсо көптөн бери жашылдандыруу жана үн жабдыктары керек болчу. Мурда аппаратты башка мекемелерден убактылуу сурап колдончубуз. Ошондуктан бул мүмкүнчүлүктү колдон чыгарбай, дароо макул болдук.
— Бул долбоор сиздин мектебиңиз үчүн кандай мааниге ээ болду?
— Бул чыныгы жардам. Биз мунун үстүнөн көптөн бери ойлонуп келатканбыз. Ал эми бул жолу иштер так, өз убагында бүткөрүлдү. Бул дем берет.

Короону жашылдык жандырат
— Эмне үчүн мектептин айланасын жашылдандыруу маанилүү болду?
— Айланабыз бош турган. Жайында чаң, кышында суук. Балдар жашыл чөйрөдө, жандуу атмосферада өсүшүн кааладык.
— Эмне отургуздуңуздар жана кимдер катышты?
— 100 даана терек жана 50 даана ийне жалбырактуу бак тигилди. Мектептеги бардык кызматкерлер чыкты. Жогорку класстын окуучулары да чоң кызыгуу менен катышты. Бул чыныгы биримдик болду.
— Жыйынтыктар билинип калдыбы?
— Албетте билинди, атмосфера өзгөрдү. Мектеп жашара түшкөнсүп калды. Айылдын тургундары да келип, кызыгып жатышат. Инфраструктура оңолуп, баарынын көңүлү көтөрүлдү.
— Кимдер карап, көзөмөлдөп турат эми?
— Мектептин күзөтчүсү, Орозов Улукбек, өзү кам көрөбүз деп убада берди. Ал жоопкерчиликтүү адам. Биз да жардам беребиз — баарыбыз жаратылышты, бакты жакшы көрөбүз.

Спорт бириктирет
— Аппаратура алуу сиздер үчүн канчалык маанилүү болду?
— Абдан маанилүү. Үн жок жерде майрам да болбойт, өзгөчо балдар үчүн. Биз көп спорттук иш-чара өткөрөбүз, аппарат жок болсо өтүшү кыйын.
— Түздөн-түз жыйынтыктар барбы?
— Албетте! 1-июнь, Балдарды коргоо күнүндө район аралык спорт фестивалын өткөрдүк. Аймактагы мектептер келип, 14 жашка чейинки окуучулар арасында волейбол, футбол болду. Дал ошол күнү Компаньон Банкы бизге жаңы үн күчөткүч жабдыктарды тапшырды. Аппаратты үч иш-чарада колдонуп үлгүрдүк. Абдан жакшы иштейт. Чоң рахмат!

Бизнес эл менен катар жүрсө — өзгөрүү болот
— Бул демилгени Банк колдогону тууралуу эмне деп ойлойсуз?
— Бул көп нерседен кабар берет. Компаньон Банкы — көп жылдан бери таанымал, ишенимдүү банк. Бизди колдогону — дем берет. Бул деген биз биргебиз дегенди билдирет.
— Буга чейин Банк менен кандайдыр бир кызматташтык болгон беле?
— Ооба. Жеке өзүм пенсия, акча которууларды ушул банк аркылуу алам. Акчамды да сактайм. Ыңгайлуу, баары убагында.
— Сиз жана жамаатыңыз үчүн Банк кызматтарынын кайсынысы өзгөчө керектүү?
— Которуулар, насыялар, аманаттар. Айыл жеринде мындай жеткиликтүү кызматтар болгону — ишенимди жаратат.
— Сиздин оюңузча, бизнес эмне үчүн коомго аралашуусу керек?
— Анткени мамлекеттик уюмдардын мүмкүнчүлүктөрү  чектелүү болуп калышы мүмкүн. Өнөктөш болбосо кыйын. Банк колдоп жатканы — бул чоң жардам.

Жеке пикириңиз
— Бул долбоор Сиз үчүн жеке кандай мааниге ээ?
— Бул биздин жамаатка берилген ишеним. Идеяң кагаз бетинде калбай, ишке ашканда — кубанасың.
— Бул сыяктуу демилгелердин келечеги кандай деп ойлойсуз?
— Дармети чоң. Эгер улантсак — спортто да, экологияда да чоң жетишкендиктер болот.
— Акырында, Банк Компаньонго эмне демекчисиз?
— Чоң ыраазычылык! Ишиниз өркүндөй берсин! Ушундай жакшылык көп болсун. Биз бир командабыз — бул сезилет!
Кененирээк