Банк жаңылыктары

Дүйнөлүк баалуулуктарга негизделген банктар альянсы жасалма интеллекттин (AI) банктык чөйрөнү кандайча сүрөттөгөнүн кайра карап чыгуу үчүн дүйнөлүк санариптик демилгени баштады.


Кыргызстан, Бишкек, 2025-жылдын 10-ноябры.

Туруктуу өнүгүү жана социалдык жоопкерчилик принциптери боюнча иштөөчү банктардын алдыңкы эл аралык тармагы болгон Global Alliance for Value Banking (GABV), ChatGABV демилгесин Banking on Values Day 2025 эл аралык күнүнүн алкагында ишке киргизгенин жарыялады. Анын курамына Компаньон Банкы да кирет. Долбоордун максаты банктардын ишмердүүлүгүнүн коммерциялык жагын гана эмес, социалдык жана экологиялык маселелерди чечүүдө алардын потенциалын да чагылдыруу үчүн банк секторун жасалма интеллект менен кабыл алууну өзгөртүү.

Банк Компаньон ЖАКтын Башкармасынын Төрагасы Маргарита Черикбаева: "Банкта технология - бул каржылык инклюзияны кеңейтүүгө, экологиялык кыйынчылыктарды чечүүгө жана бардыгы үчүн натыйжалуу келечек курууга жардам бере турган кубаттуу күч деп ишенебиз. Биз "Банктык баалуулуктар күнү" демилгесине кошулуп, ЖИ келечегин калыптандырууга жана банктардын ролун баалуулуктардын көзү аркылуу кайра карап чыгууга катыштык. ЖИ өзүнө жеткиликтүү болгон маалыматтардан билим алат жана баалуулуктарга негизделген банктар жөнүндө канчалык көп позитивдүү жана сапаттуу окуяларды тапса, коомчулук үчүн ошончолук туура жана пайдалуу жыйынтыктарды чыгара алат".

Изилдөөлөргө ылайык, 2025-жылы колдонуучулардын 83%ы салттуу издөө системаларына караганда ЖИ кызматтарына кайрылууну туура көрүшөт, анткени алар аларды так жана "адамгерчиликтүү" деп эсептешет. Бирок "Банк деген эмне?" деген суроого көпчүлүк тил моделдери (LLM) эскирген түшүнүктү чагылдырган жоопторду беришет — пайдага жана акционерлерге басым жасалып, этикалык жана коомдук багыттагы банк ишмердүүлүгүн дээрлик эске алышпайт. GABV муну көйгөй катары көрөт: ЖИ негизинен коммерциялык банктын кызыкчылыктарын чагылдырган маалыматтардын негизинде үйрөнөт. Бул каржынын туруктуу өнүгүүдөгү чыныгы ролу жөнүндөгү түшүнүктү бурмалайт.

Мартин Рохер, GABVнын аткаруучу директору: «ЖИ банк системасы жөнүндөгү түшүнүктү калыптандырат, бирок бүгүнкү күндө ал баалуулукка негизделген банктын маанисин жана таасирин эске албайт. Эгерде биз каржы адамдарга жана планетага кызмат кылышын кааласак, анда ЖИ да муну түшүнүшү керек. Ал этикалык банк жөнүндө канчалык көп сапаттуу окуяларды "көрсө", анын билими жана бардыгы үчүн тыянактары ошончолук жакшы болот».

ChatGABV — бул каржыга болгон эки ыкманы үйрөтүү жана салыштыруу үчүн түзүлгөн интерактивдүү санариптик курал.
Ал эки виртуалдык маектешти бириктирет:
• ChatBAU (Business As Usual) — банктарды салттуу, пайдага багытталган түшүнүктү чагылдырат;
• ChatGABV — банк позитивдүү социалдык жана экологиялык өзгөрүүлөр үчүн курал болгон баалуулукка негизделген ыкманы көрсөтөт. Мисалы, "Банк деген эмне?" деген суроого жооп берип жатып, ChatBAU "акционерлер үчүн пайданы максималдуу көбөйтүү" жөнүндө айтса, ChatGABV "туруктуу өнүгүүгө салым кошуу жана адамдардын жашоосун жакшыртуу" жөнүндө айтат. GABV дүйнө жүзүндөгү колдонуучуларды санариптик акцияга кошулууга — "Банк эмне үчүн керек?" деген суроого жоопторун социалдык тармактарга жарыялоого жана ошону менен келечектеги жасалма интеллект моделдеринин "окуу базасын" кеңейтүүгө чакырат.

Дэвид Рейлинг, GABV төрагасы жана Sunrise Banks (АКШ) башкы директору: «Баалуулуктарга негизделген банкинг жашоону өзгөртүүгө жөндөмдүү. Биз анын мурда каржы системасынын сыртында калгандарга кандай жардам берип жатканын көрүп жатабыз. AI дагы бул миссияны түшүнүшү маанилүү. Биздин үндөр коомдук кабылдоону гана эмес, технологиялардын өнүгүү багытын да өзгөртө алат».

Кампания жөнүндө Демилге коомдук пикирди калыптандырууда технологиялардын ролун баса белгилеп, ЖИ тарабынан түзүлгөн контентти атайылап колдонот. GABV ЖИден качуунун ордуна, аны кантип жакшылыкка багыттоого болорун көрсөтөт. Ошол эле учурда, альянс этика, туруктуулук жана автордук укук маселелерин эске алат — кампанияны түзүүдө лицензияланган материалдар колдонулган, ал эми видеону өндүрүүдөн келип чыккан көмүртек изи компенсацияланган. ChatGABV куралы жөнүндө көбүрөөк билүү жана аны колдонуп көрүү үчүн төмөнкү сайтка кириңиз: www.chatgabv.org

Компаньон Банкы жөнүндө:
Банк Компаньон ЖАК - Кыргызстандын финансы рыногунда 20 жылдан ашык убакыттан бери иштеп келе жаткан универсалдуу санариптик заманбап банк. Банк активдери жана кредиттик жана депозиттик портфелдеринин өсүү темпи боюнча Кыргызстандын 8 ири банктарынын катарына кирет. Банктын тармагы 100дөн ашуун тейлөө пункттарын жана 2300дөн ашуун агентти камтыйт, бул өлкөнүн эң алыскы аймактарына да катышууну камсыз кылат. Банктын штатында 1500дөн ашуун кызматкер бар, алардын миссиясы - адамдарга жана бизнеске туруктуу өсүүгө жардам берүү. ESG жана туруктуу өнүгүү принциптерине кармануу менен, Банк каржылык сабаттуулукту, кардарлардын коопсуздугун камсыз кылууну жана аймактардагы социалдык демилгелерди колдойт.

GABV жөнүндө
The Global Alliance for Banking on Values (GABV) - Азиянын, Африканын, Европанын, Австралиянын жана Американын 45 өлкөсүндөгү 70тен ашуун көз карандысыз банктардын жана кредиттик союздардын тармагы. Алар жалпысынан 50 миллиондон ашуун кардарга кызмат көрсөтүшөт жана 265 миллиард АКШ долларынан ашык активдерди башкарышат.

​#BankingOnValues #ChatGABV