Банк жаңылыктары

ЖАСАЛМА ИНТЕЛЛЕКТ ЖАНА БАНК ИШИНИН КЕЛЕЧЕГИН КУРАЛЫ  

Banking on Values Day 2025 алкагында

Баалуулуктарга негизделген банктардын глобалдык альянсы (Global Alliance for Banking on Values, GABV) заманыбыздын эң маанилүү технологияларынын бири — жасалма интеллект (ЖИ) менен банк ишинин өз ара байланышын изилдөөнү чечти.
Биз түшүнөбүз: ЖИ бүгүн келечекти гана эмес, адамдардын аны кабылдоосун да калыптандырууда — оң жактан да, тобокелдик жагынан да.

GABV командасы жөнөкөй суроодон баштады:
ЖИ “банкингди” кантип сүрөттөйт?
Генеративдик чат-ботторго, мисалы ChatGPT же Claude сыяктуу системаларга кайрылганда, ЖИ көбүнчө салттуу банкингди гана түшүндүрөт, бирок баалуулуктарга негизделген банктар тууралуу дээрлик эч нерсе билбейт.
Мисалы, биз сурасак: «Банк эмнеге керек?»
ЖИ мындай жооп берет: «Банк – бул акционерлердин пайдасын көбөйтүү, ошол эле учурда финансылык туруктуулукту жана жөнгө салууларды сактоо үчүн иштейт».
Ал эми GABV тармагындагы банктар мындай дешмек:
«Банк жана башка финансылык институттар, мисалы кредиттик союздар, коомдо оң өзгөрүүлөрдү жараткан күч болуп, ошол эле учурда маанилүү финансылык кызматтарды көрсөтө алышат».

ЖИ мындай чектелген жоопторду бергенин себеби -  ал эски маалыматтарга — жаңылыктарга, жарнамаларга, илимий макалаларга негизделип үйрөнгөн.
Бул банктардын ролу тууралуу түшүнүктү тарылтат, ошону менен бирге коомдук кабылдоого да таасир этет.
Бүгүн бул өзгөчө маанилүү, анткени ЖИ — миллиондогон адамдар үчүн банктар тууралуу маалыматтын биринчи булагына айланды.

ЖИ: маалымат издөө жана кабылдоо өзгөрүп жатат
Бүгүнкү күндө калктын 35,5% ЖИ куралдарын күн сайын колдонушат, ал эми 85% акыркы жылда колдонуу көрсөткүчү өскөнүн белгилешет.
ChatGPT күнүнө 2,5 миллиард суроо иштетет.
Изилдөөлөргө ылайык, 83% колдонуучулар ЖИ куралдарын салттуу издөө системаларынан артык көрүшөт, анткени алар жоопторду так жана табигый тилде беришет.
Adobe Express сурамжылоосуна ылайык, АКШдагы ChatGPT колдонуучуларынын 77% аны издөө системасы катары колдонушат, ал эми 24% — аны интернеттен маалымат издөөдөгү биринчи тандоосу катары эсептешет.
Google азырынча дүйнөлүк издөө системаларынын 90% үлүшүн сактап турат, бирок трафик акырындык менен ЖИ платформаларына ооп жатат.
Болжолдоолорго караганда, ЖИ издөөдөн келген трафик жакынкы жылдары салттуу издөөдөн ашып түшөт.
Google Core Update 2025 (март айы) жаңыртуусунан кийин, ЖИ-негизиндеги жыйынтыктар азыр издөө суроолорунун 47%да чыгат, бул көрсөткүч 116%га өстү.
Gemini системасынын жардамы менен Google ай сайын 200 миллиард ЖИ жыйынтыгын иштетет.

ЖИ жана баалуулуктарга негизделген банкинг
Жасалма интеллект азыр дүйнөнү өзгөртүп жатат. Көптөгөн адамдар маалымат алуу жана чечим кабыл алуу үчүн ЖИ-ге таянышат. Бул процесстен четте калуу — келечекти калыптандыруудан баш тартуу дегенди билдирет.
Ошондуктан, технология менен диалог жүргүзүү маанилүү:
адамдарга да, ЖИге да баалуулуктарга негизделген банкинг бар экенин көрсөтүү үчүн.
GABV мүчөлөрүнүн айрымдары буга чейин ЖИнин этикалык колдонулушуна байланышкан ички саясаттарды иштеп чыгууда, ал эми Альянс жакынкы келечекте бул жаатта глобалдык принциптерди түзүүнү пландаштырууда.
ЖИ жана банк иши — бири-бирине окшош. Экөө тең бар нерседен жаңылык жарата алат, жана экөө тең адамзатка жана планетага пайда алып келүүгө жөндөмдүү, эгер алар жоопкерчиликтүү жана аң-сезимдүү башкарылса.​

#BankingOnValues #ChatGABV