Банк жаңылыктары

ЭМИ ТӨЛӨМДҮ АР БИР КЫЗМАТКЕР КАБЫЛ АЛА АЛАТ — АКЧА ДАРОО БИЗНЕСКЕ ТҮШӨТ

Компаньон Банкынын «Төлөм» сервиси бизнеске төлөмдөрдү кызматкерлер аркылуу — сатуучулар, официанттар, курьерлер жана соода өкүлдөрү аркылуу кабыл алууга мүмкүнчүлүк берет, ошол эле учурда акча каражаттары толук көзөмөлдө калат.

Курьер заказды кардарга жеткирет.
Официант төлөм кабыл алат.
Сатуучу базарда кардарды тейлейт.

Көпчүлүк бизнестерде акчаны компаниянын ээси эмес, кызматкерлер кабыл алышат. Ошондуктан ишкерлерде көп учурда суроо жаралат: командага төлөм кабыл алууга мүмкүнчүлүк берип, ошол эле учурда акчаны кантип көзөмөлдө кармоо керек?

Компаньон Банкы «Төлөм» сервисин ишке киргизди — бул кызматкерлер аркылуу төлөм кабыл алуу чечими, ал ишкерлерге командасы аркылуу төлөм уюштурууга жана каржы агымдарын ачык көзөмөлдөөгө мүмкүнчүлүк берет.

Эмне үчүн бизнес мындай чечимдерди издейт

Көп компанияларда кызматкерлер кардардан түз эле төлөм алышат — мисалы, жеткирүүдө, кафеде тейлөөдө же көчмө соодада. Мындай учурда көбүнчө төлөмдөр накталай же кызматкердин жеке картасына которулат, бул эсеп жүргүзүүнү жана көзөмөлдү кыйындатат.

Санарип төлөм сервистери бул процессти бизнес жана кардар үчүн ыңгайлуу жана ачык кылат.

Төлөмдү бүт команда кабыл алганда

Сервис абдан жөнөкөй иштейт: ар бир кызматкерде төлөм кабыл алуу үчүн жеке QR-код болот, ал кызматкерди системага кошкондо автоматтык түрдө түзүлөт.

Кызматкер QR-кодду көрсөтөт, кардар аны сканерлейт жана төлөйт, ал эми акча дароо компаниянын эсебине түшөт.

Бул формат өзгөчө төмөнкү учурларда ыңгайлуу:

 — дүкөндөгү сатуучулар
 — кафе жана ресторандагы официанттар
 — жеткирүүчү курьерлер
 — соода өкүлдөрү
 — кызмат көрсөтүүчү адистер

Башкача айтканда, бизнес кардар турган жерде эле төлөм кабыл ала алат.

Акча кызматкерге эмес, бизнеске түшөт

Кызматкерлер компаниянын эсебине кире алышпайт.

Алар төлөм кабыл алып, өз операцияларын гана көрө алышат. Бардык операциялар Компаньон Бизнес тиркемесинде чагылдырылат, анда ишкер:

 - төлөмдөрдүн тарыхын көрөт

 - ар бир кызматкер канча төлөм кабыл алганын билет

 - акча түшүүлөрдү көзөмөлдөйт

Бул ишкерге төлөм кабыл алууну командага өткөрүп берип, ошол эле учурда толук көзөмөлдү сактоого мүмкүндүк берет.

Туташтыруу бир нече мүнөттө

Сервисти Компаньон Бизнес тиркемеси аркылуу оңой туташтырууга болот: ишкер соода түйүнүн түзүп, кызматкерлерди кошот.

Кызматкер кошулганда ага автоматтык түрдө жеке QR-код түзүлөт.

«Төлөм» сервиси накталай акча менен иштөөнү азайтып, эсептешүүнү ылдамдатып жана төлөмдөрдү ачык көзөмөлдөөгө жардам берет.

Кененирээк маалыматты Компаньон Бизнес тиркемесинен же 88-00 телефону аркылуу алсаңыз болот.​