Банк жаңылыктары

Компаньон Банкы ISO/IEC 27001 эл аралык сертификатын алды

Компаньон Банкы маалыматтык коопсуздукту башкаруу боюнча жогорку деңгээлин тастыктап, ISO/IEC 27001 эл аралык стандартына ийгиликтүү сертификациядан өттү.

Бул сертификат Банктa маалыматтык коопсуздукту башкаруу системасы (СМИБ) киргизилип, натыйжалуу иштеп жатканын жана дүйнөлүк мыкты практикаларга шайкеш экенин көрсөтөт. Ал кардарлардын маалыматтарын коргоону, тобокелдиктерди башкарууну, ошондой эле маалыматтын купуялуулугун, бүтүндүгүн жана жеткиликтүүлүгүн камсыздоону камтыйт.

ISO 27001 сертификациясы Компаньон Банкынын ишенимдүүлүк, коопсуздук жана кардарлар менен өнөктөштөргө карата ачык-айкындык принциптерине берилгендигин тастыктайт. Киберкоркунучтар күчөп жаткан шартта бул — ишенимди бекемдөө жана финансылык сервистердин туруктуулугун жогорулатуу үчүн маанилүү кадам.

Компаньон Банкы маалыматтык коопсуздук процесстерин мындан ары да өнүктүрүп, заманбап технологияларды киргизип жана эл аралык стандарттарды сактоо аркылуу маалыматтарды максималдуу коргоону камсыздоону улантат.​