Компаньон Банкы Талас облусундагы тургундар үчүн сезондук агротренинг өткөрдү

Талас районунун Бал-Бал жана Кум-Арык айылдарында фермерлер жана үй-бүлөлүк чарба ээлери үчүн Компаньон Банкынын Талас филиалы тарабынан сезондук агротренинг уюштурулду. Сабактын темасы — жертөлө куруу, түшүм жыйноо жана туура сактоо болду.

Салттуу түрдө күз — дыйкандар үчүн эң жооптуу мезгил. Бул учурда түшүмдү сапаттуу сактоо, жоготууларды азайтуу жана чарбанын кирешелүүлүгүн жогорулатуу чоң чакырык болуп саналат. Компаньон Банкынын адистери жөнөкөй чарбаларда да колдонууга боло турган практикалык сунуштар менен бөлүшүштү.

Өзгөчө көңүл бурулду:

- азык-түлүктү сактоого ылайык жөнөкөй жана жеткиликтүү жертөлө куруу ыкмаларына;

- түшүмдү иреттеп бөлүү эрежелерине, бул түшүмдү бузулуудан сактайт;

- жашылча-жемиштерди узак мөөнөт сактоонун заманбап ыкмаларына;

- айыл чарба өндүрүүчүлөрү үчүн финансылык сабаттуулук маселелерине.

«Көп жылдан бери картошка менен сабиз өстүрөм, бирок түшүмдүн бир бөлүгүн сактап кала албай калчу элем. Тренингде жертөлөнү туура жабдуу жана жашылчаларды сорттоо боюнча жөнөкөй ыкмаларды үйрөндүм. Бул түшүмдү узагыраак сактап, жакшы баада сатууга жардам берет. Мындай колдоосу үчүн Компаньон Банкына чоң рахмат», — деди Кум-Арык айылынын фермери Жаныбек уулу Азамат.

Мындай иш-чараларды өткөрүү — Компаньон Банкынын стратегиясынын маанилүү бөлүгү. Банк аймактарды өнүктүрүүгө жана Кыргызстандагы айыл чарбасын колдоого өзгөчө көңүл бурат. Регулярдуу өткөрүлүп жаткан акысыз агротренингдер фермерлерге заманбап практикаларды киргизүүгө жана чарбалардын натыйжалуулугун жогорулатууга жардам берет. Бул өлкөнүн туруктуу экономикалык өнүгүүсүнө да салым кошот.

Компаньон Банкы айыл тургундары үчүн ишенимдүү өнөктөш бойдон калууда. Финансылык кызматтардан тышкары, агробилим берүү жана фермерчиликти өнүктүрүү боюнча уникалдуу тажрыйба сунуштайт.