IFAD Компаньон Банкын каржылык инклюзия принциптерине берилгендиги үчүн белгиледи

    Компаньон Банкы 2025-жылдагы Үй-бүлөлүк акча которуулар күнү (International Day of Family Remittances — IDFR) боюнча эл аралык кампанияны колдогону үчүн     Агрардык өнүгүү боюнча эл аралык фонддон (IFAD) расмий ыраазычылык катты алды.

    Катта Компаньон Банкына «Которуулар өнүгүүнү каржылайт» деген ураан алдында өткөн глобалдык кампаниянын максаттарын илгерилетүүгө кошкон салымы үчүн     ыраазычылык билдирилет. Бул кампания акча которуулар туруктуу өнүгүүнүн, үй-бүлөлөрдүн каржылык туруктуулугунун жана каржылык инклюзиянын маанилүү булагы экенин     белгиледи.

“Компаньон Банкы сыяктуу мекемелердин колдоосу менен бул кампания дүйнөлүк деңгээлде кеңири колдоого ээ болду: 2025-жылы аны 30дан ашуун уюм, анын ичинде борбордук банктар, G20 платформалары, БУУнун түзүмдөрү жана жеке сектордун өкүлдөрү колдошту.
IDFR 2025 кампаниясы коомчулукта да чоң кызыгуу жаратты: сайтка 10 000ден ашык кирүү, социалдык тармактарда 20 000ден ашык камтуу жана 100дөн ашык эл аралык маалымат каражаттарында эскерүү болду.
Биз сизди IDFRди колдогон жана мигранттар менен алардын үй-бүлөлөрү менен тилектеш болгон 8 000ден ашык каржылык уюмдардын катарына киргендигиңиз үчүн сыймыктанабыз.
Сиздин лидердигиңиз жана активдүү катышууңуз акча которуулардын коопсуз, жеткиликтүү жана инклюзивдүү рыногун өнүктүрүүдө — Борбордук Азияда гана эмес, бүткүл дүйнөдө — чоң роль ойнойт.
Биз мындан аркы өнөктөштүк жана акча которуулар аркылуу туруктуу өнүгүүгө кошкон биргелешкен салымыбыз уланаарына ишенебиз”, — деп айтылат катта.

    Кампаниянын жыйынтык этабы болуп 2025-жылдын 30-июнунан 3-июлуна чейин Севилья шаарында өткөн Каржылоону өнүктүрүү боюнча эл аралык конференция     эсептелет. Анын жүрүшүндө Compromiso de Sevilla декларациясы кабыл алынып, акча которуулар жана диаспора инвестициялары аркылуу Туруктуу өнүгүү максаттарына     жетүү үчүн глобалдык кызматташтыктын жаңы багыты аныкталды.

    Компаньон Банкынан IDFR 2025 боюнча расмий билдирүү IFADдын расмий сайтында жарыяланган.

    Расмий ыраазычылык катты бул шилтеме аркылуу окуса болот Letter of gratitude