Башкармалык кенеши

Башкармалык кенеши

ЧЕРИКБАЕВА МАРГАРИТА ШАИМОВНА

ЧЕРИКБАЕВА МАРГАРИТА ШАИМОВНА

Башкарманын төрайымы

Маргарита Черикбаева 2018-жылдын 12-мартында «Компаньон Банкы» ЖАКнун Башкармалыгынын Төрайымы катары дайындалды. Компаньонго келээрден мурда, ал 2015-жылдан тартып, «ФИНКА Банк» ЖАКнун Башкармалыгынын Төрайымы болуп, ага чейин, 2011-жылдан баштап, ошол эле банктын операциондук иш боюнча директору болуп эмгектенип келген. Андан мурда, Маргарита Черикбаева ProCredit Holding немис холдингинин тармагына кирген банктардын Кавказдагы, Батыш Африкадагы жана Латын Америкадагы бизнес бөлүмдөрүнүн жана операциондук блокторунун ишин жетектеген.

 

Максытбеков Азамат Курбаналыевич

Максытбеков Азамат Курбаналыевич

БАШКАРМАЛЫКТЫН ТӨРАЙЫМЫНЫН ОРУН БАСАРЫ

2018-жылдын 3-апрелинде, Максытбеков Азамат Курбаналыевич «Компаньон Банкы» ЖАКнун Башкармалыгынын Төрайымынын Орун басары болуп дайындалган. 

Компаньонго келгенге чейин, ал 2008-жылдан тарып, «МКК ФИНКА» Кыргызстан ЖАКнун (2015-жылы «ФИНКА Банк» ЖАКна айланган) Башкармалыгынын Төрайымынын Орун басары болуп, каржы иштерин тейлеген. 2007-жылдан 2008-жылга чейин, ФИНКА-Таджикстанда ошол эле кызматты аркалаган.

2002-жылдан 2007-жылга чейин, ал «Кыргыз Инвестициялык-Кредиттик Банк» ЖАКнда (KICB) чекене банк ишмердигинин жетекчиси жана башкы бухгалтер катарында иш алып барган. Ага чейин, Азамат Максытбеков Кыргыз Республикасынын Улуттук Банкында Банк көзөмөлү башкармалыгында иштеген.

Познань Технологиялык университетинин (Польша) компьютердик инженерия боюнча магистр даражасына, Америка Банк Ассоциациясынын Стониер атындагы Банк Мектебинин жана Тастыкталган Бухгалтерлер Ассоциациясынын (Улуу Британия) дипломдоруна ээ.

 

Бапа уулу Кубанычбек

Бапа уулу Кубанычбек

БАШКАРМАЛЫКТЫН ТӨРАЙЫМЫНЫН ОРУН БАСАРЫ

2018-жылдын 3-апрелинде, Бапа уулу Кубанычбек «Компаньон Банкы» ЖАКнун Башкармалыгынын Төрайымынын Орун басары болуп дайындалды.

Компаньонго келгенге чейин, 2014-жылдан 2018-жылдын март айына чейин, ал «Дос-Кредобанк» ААКнун Башкармалыгынын Төрагасы катары, ага чейин 2012-жылдан тартып, Башкармалыктын Төрагасынын Орун басары катары эмгектенген.

2010-жылдын октябрь айынан баштап, ал «Дос-Кредобанк» ААКнун насыялоо иштерин башкарган, 2012-жылдын февраль айынан баштап, Башкармалыктын Мүчөсү кызматын аркалаган.

2010-жылдын февраль айынан сентябрь айына чейин, Эл аралык каржы мекемелеринин программаларын насыялоо бөлүмүнүн башчысы жана Башкармалык Төрагасынын кеңешчиси кызматтарын бирге алып барган.

Бапа уулу Кубанычбек эмгек жолун «Энергобанк» ААКнда (2004-жылы «АТФБанк Кыргызстан» ААКна айланган) баштаган. 2004-жылдан 2010-жылга чейин, ал карьералык өсүүнүн ар бир басамагын ийгиликтүү өтүп, ЕӨРБ боюнча насыялоо адиси кызматынан Бөлүм башчысы кызматына чейин жеткен.

Ал, К. Тыныстанов атындагы Ысык-Көл Мамлекеттик Университетин бүтүрүп, эки дипломго ээ болгон: математика жана системалык программалоо жана ошондой эле бухгалтердик эсеп, талдоо жана аудит.

 

Досумбетов Дамир Кылычбекович

Досумбетов Дамир Кылычбекович

БАШКАРМАЛЫКТЫН ТӨРАЙЫМЫНЫН ОРУН БАСАРЫ

2004-жылы Ж. Баласагын атындагы Кыргыз Улуттук Университетин «Финансы жана Кредит» адистиги боюнча бүтүргөн, 2009-жылы «Жарандык укуктук иши» багыты боюнча юридикалык билим алган. Эмгек жолун 2005-жылы «Инэксимбанк» ЖАК чекене насыялоо бөлүмүнүн адиси катары баштаган. 2006- 2008- жылдары «ФинансКредитБанк КАБ» ААК да жетекчи кызматтарында иштеген: ипотекалык жана керектөөчүлүк наасыялоо бөлүмүнүн башчысы, корпоративдик насыялоо башкармалыгы башчысынын м.а., жана сатуу бөлүмүнүн жетекчиси. 2008-жылы Дамир Компаньондун командасына улуу кредиттик администратор катары кошулган. Төрт жылдан кийин ал кредиттик башкаруу бөлүмүнүн башчысы болуп дайындалган жана өзүн эптүү жетекчи катары көрсөткөн. 2017-жылы күздө Дамир Досумбетов «Компаньон Банкы» ЖАК Башкармалык Төрага Орун Басары кызматына дайындалган. 

 

Фефилова Наталия Германовна

Фефилова Наталия Германовна

БАШКАРМАЛЫК МҮЧӨСҮ

2018-жылдын 3-апрелинде, Наталия Фефилова «Компаньон Банкы» ЖАКнун Башкармалыгынын мүчөсү болуп дайындалды.

Компаньонго келгенге чейин, 2011-жылдан тартып, Financial Systems GmbH немис консалтинг компаниясында эмгектенип, ЕРӨБнын долбоорун Түндүк Кавказда (РФ) жайылтуу иштерине катышкан жана Өзбекстандагы Немис Өнүктүрүү Банкынын (KfW) долбоорун жетектеген. Эки долбоор тең микро жана кичи жана орто бизнес ишканалары менен иштеген коммерциялык банктарды колдоого багытталган. Андан тышкары, Тажикстанда микро-насыялоону жана LFSке тиешелүү AccessBank менен байланыштуу процесстерди жетектеген.

2005-жылдан 2010-жылга чейин, ал Сьерра-Леонеде жана Мексикада IPC GmbH немис консалтинг компаниясында микро жана кичи жана орто бизнес ишканаларын каржылоо жана ПроКредит Банктарында кадрларды башкаруу жана тренинг өткөрүү багытында иш жүргүзгөн. Кыргыз Республикасында жана Россия Федерациясында микро жана кичи жана орто бизнес ишканаларын каржылоого багытталган долбоорлорду жайылтуу иштерине катышкан.

Орто Азияда 8 жылдан ашык иш тажрыйбасына ээ. Кассель шаарынын Университетинде (Германия) экономика боюнча диплом алган (МБА).