Компаньон Банкы соода-сервистик ишканалар үчүн жаңы интернет-эквайринг кызматын ишке киргизди. Бул кызмат сатуучуларга интернет-сайттар жана/же Элкарт банк картасы менен төлөө менен мобилдик тиркемелер аркылуу товарлар жана кызматтар үчүн төлөмдөрдү кабыл алууга мүмкүндүк берет.
Соода ишканалары үчүн интернет-эквайринг товарларды күнү-түнү сатуу, сатуу каналын кеңейтүү, жаңы кардарларды тартуу жана заманбап төлөм ыкмасы сыяктуу жаңы мүмкүнчүлүктөрдү ачат. Карта ээлери үчүн, өз кезегинде, бул ыңгайлуу жана тезирээк төлөө ыкмасын, ошондой эле күнү-түнү онлайн сатып алуу мүмкүнчүлүгүн билдирет.
Жеке жактар үчүн ЭЛКАРТ карталарын тейлөө боюнча тарифтер менен бул шилтеме боюнча таанышсаңыздар болот. Соода-сервистик ишканалар үчүн тарифтер кызматка акысыз кошулууну, 0 сом өлчөмүндөгү ар ай сайын комиссияны жана бир транзакция үчүн ЭЛКАРТ карттарын сатып алуу суммасынан 1,5% өлчөмүндөгү комиссияны камтыйт, мында карта кармоочулардан комиссия алынбайт.
Кызматка кошулуу үчүн соода-сервистик ишканалар Компаньон Банкынын кеңселеринин бирине банктык эсеп ачуу үчүн арыз жана документтер менен кайрылып, келишим түзүшү керек. Мындан тышкары, Интернет тармагында коммерциялык иш жүргүзүү укугун тастыктаган документтер жана банктын талабы боюнча башка документтер талап кылынат.
Интернет-эквайринг - бул заманбап жана ыңгайлуу төлөм ыкмасы, ал дүйнөдө барган сайын популярдуу болуп баратат. Компаньон Банкы өз кардарларына бизнести кеңейтүү жана ыңгайлуу төлөмдөр үчүн жаңы мүмкүнчүлүктөрдү берүүгө даяр.
Кошумча маалымат алуу үчүн Кардарларды колдоо кызматына 0 (312) 33-88-00, 88 00 телефон номерлери аркылуу кайрылыңыздар (КРнын мобилдик операторлорунан чалуу акысыз).
